அன்புள்ள அண்ணா...

அன்புள்ள அண்ணா,

அஸ்ஸலாமு அலைக்கும் வரஹ்மதுல்லாஹ்.

அண்ணே! உங்களோட டயவநளவ இ-மெயில் ஒரு நண்பர் மூலமாக கிடைச்சுது. படிச்சுப்பார்த்தப்ப கொஞ்சம் ஷhக்காயிருச்சு.

ஏன்னா, கொஞ்ச நாளா நீங்க பலபேர பொது விவாதத்துக்கு தயாரான்னு கேட்ட மாதிரி வெளியில தெரியுற அளவுக்கு, உங்ககிட்ட பொது விவாதத்துக்கு தயாரான்னு மத்தவங்க கேட்டது வெளியில தெரியுறதில்லை. அதுக்கு காரணம் தவ்ஹீதை கடைப்பிடிக்கக்கூடிய தமுமுககாரங்கதாங்குறது என்னோட கணிப்பு. மத்தவங்க உங்ககிட்ட கேட்டதெல்லாம் வெளியில தெரியாம மறைச்சுடுறீங்க. அப்புறமா வசதியா மறந்துடுறீங்கன்னு ஒரு கருத்து இருக்கு அண்ணே.

அதுனால எனக்கு தெரிஞ்ச சிலத உங்களுக்கு ஞாபகப்படுத்த நினக்கிறேன்.

1. அந்நஜாத் பத்திரிக்கையோட ஆசிரியர் ஜனாப் அபூஅப்துல்லாஹ்.

2. மேலப்பாளயத்தைச் சேர்ந்த சகோதரர் பள்லுல் இலாஹி

3. காயல்பட்டிண மவ்லவி ஹாமித் பக்ரி

4. டவுண் காஜி (பிறை சம்மந்தமாக)

5. ஜமாத் ஏ உலமா – உங்களுடைய குர்ஆன் தமிழாக்கம் சம்பந்தமாக வெளியிட்ட அறிக்கை

இப்படி நமக்குத் தெரிஞ்சு அஞ்சு ஃ ஆறு, தெரியாம எத்தனையோ இருக்கும். இவுங்களோட எல்லாம் நீங்க எப்போ விவாதம் நடத்தப்போறீங்கண்ணே? இதெல்லாம் முடிஞ்சப்புறம் ஜவாஹிருல்லாஹ்வோட விவாதமா? அல்லது இவுங்கள எல்லாம் விட்டுட்டு ஜவாஹிருல்லாஹ்வோட மட்டுமா? பளீஸ் கொஞ்சம் தெளிவா சொல்லுங்க. ஒருவேள இவுங்களுக்கெல்லாம் பதில் சொல்லி இவுங்கள பெரியாளாக்கிடக்கூடாதுன்னு நெனச்சு அலட்சியமா விட்டிருந்தீங்கன்னு வெச்சுகிட்டா இப்போ நீங்க கூப்பிடுறவங்களும் உங்கள அலட்சியமா விட்டுடுறதா நினக்கலாமில்லியா? நீங்க கூப்புடுறவங்க விவாதத்துக்கு ஒத்துவரலன்னா பொய் சொல்றவுங்கன்னு தெரிஞ்ச்குங்கன்னு சொல்லியிருக்கீங்களே, அது மாதிரி உங்கள கூப்பிட்டவங்க கூட நீங்க விவாதம் பண்ணப் போகாததுனால உங்கள பொய்யன்னு சொல்லலாங்களா?

எனக்கு ஒரு சந்தேகம்.

முபாஹலா சம்பந்தமா நீங்க சொல்லியிருக்குற வசனத்துக்கு உங்களோட தர்ஜமாவைப் பார்த்தேன். அதுல இந்த வசனம் நபி ஈஸா(அலை) அவுங்க விஷயமா காபிர்கள் கேட்டதுக்கு அல்லாஹ் தன்னோட நபிக்கு சொல்லித் தந்த ஒரு வழிமுறை போல விளங்குது. ஆனா இதையே நம்மோட தனிப்பட்ட கருத்து வேறுபாட்டுக்கு உபயோகிக்க முடியுமா? இப்டி நமக்குள்ள உள்ள பிரச்சனைய தீத்துக்குறதுக்கு குடும்பத்தோட முபாஹல செய்றதுதான் நபிவழின்னு இதுனால சொல்லவற்றீங்களா?

பொண்டாட்டி புருசன் சம்பந்தமா வேற வசனத்துல அல்லாஹ் சொல்லும்போது அவுங்க பேச்ச உண்மைப்படுத்தனும்னா அவுங்க 4 தடவ அல்லாஹ் மேல சத்தியமிட்டு, தான் சொல்றது உண்மைன்னும், 5 ஆவது தடவயா எதிராளி செல்றது உண்மைன்னா தன் மேல அல்லாஹ்வோட சாபம் வரட்டும்னு சொல்லட்டும்னுதானே இருக்கு. இதுல பொண்டாட்டி புள்ள குட்டி குடும்பம்லாம் எங்கயிருந்து வந்துச்சு.

இப்டி சொந்த விஷயத்துக்கு முபாஹலாவுக்கு கூப்புடுற நீங்க, இதுவர இஸ்லாத்தோட அகீதாவுலலேயே பிரச்சனை ஏற்படுத்துற ஹாரூத் ஃ மாரூத் சம்பந்தமாவோ அல்லது சமுதாயத்துல கொளப்பம் ஏற்படுத்துற பிறை விஷயமாகவோ ஏன் முபாஹலா செய்யலைன்னும் பலபேர் கேக்குறாங்க. அதேமாதிரி நீங்க தொண்டிக்குப் போகும்போது வண்டியில செஞ்ச சதியாலோசனை சம்பந்தமா ஏன் முபாஹலா செய்யலைன்னு தமுமுககாரர் ஒருத்தர் கேக்குறாரு. எனக்கு என்ன சந்தேகம்னா நீங்க சொல்றமாதிரி முபாஹலாவுக்கு ஒத்துக்கிட்டா பொய்யனில்லைன்னு சொன்னா உங்க கூட முன்னால ஒருவாட்டி முபாஹலா செஞ்சாரே காயல்பட்டிணத்துல ஒரு மவ்லவி அவரு பொய்யனில்லையா? அன்னிக்கி முபாஹலா செஞ்ச அவரு இன்னக்கிம் நல்லாதானே இருக்காரு. அவரு முன்னால செஞ்ச்சுகிட்டிருந்த தரீக்கா யாவாரத்த இன்னக்கிம் ரொம்ப சந்தோசமா செஞ்சுகிட்டுதானே இருக்காரு.

உங்ளோட முபாஹலா மெயில் படிச்சதுல ஒரு விதத்துல சந்தோசங்க. அதாவது உங்களோட முக்கிய அறிவிப்ப படிச்சதுல இருந்து ஒரே குழப்பமாயிருந்துச்சு. தமுமுக தவ்ஹீத் கொள்கைக்கு எதிரா செயல்படுறதா அதில சொல்லியிருந்தீங்களா அதனால தமுமுகவுல எப்படி நம்மள மாதிரி தவ்ஹீத்காரன் இருக்கமுடியும். அப்படீன்னு ஒரே குழப்பம். நல்லவேளை உங்களோட முபாஹலா இ-மெயில் படிச்சதுனால அது மாறி இப்போ நிம்மதியாயிருச்சு. இதில 'தமுமுகவுக்கும் எனக்கும் ஏற்பட்ட பிரச்சனையில்' என்று நீங்க எழுதி இருக்கிறதனால தமுமுகவுக்கும் தவ்ஹீத் கொள்கைக்கும் எந்த பிரசசனையுமில்லை, உங்களுக்கும் தமுமுகவுக்கும்தான் பிரச்சனை அப்படீன்னு உங்க மூலமாவே தெரிஞ்சுகிட்டதால, தமுமுகவுல இனி தெம்பா செயல்பட நானும் என்னோட ஃபிரண்ட்ஸும் முடிவு பண்ணியிருக்கோம்.

இந்த சமயத்தில உங்களுக்கு ஒரு சின்ன யோசனை.

அதாவது இப்போ நீங்க தமுமுகவுல இல்லாததால எந்த வேலையுமில்லாம ஃபிரியா இருப்பீங்கன்னு நெனக்கிறேன். ஆனா மத்தவங்களுக்கு சமுதாய பணி ஏகப்பட்டது இருக்கிறதுனால தயவு செய்து இது மாதிரி என்னத்தையாவது எழுதி ஒழங்கா இருக்கிற மத்தவங்களோட நேரத்தையும் சக்தியையும் வீணடிக்க காரணமாக இருக்க வேணாம்னு கேட்டுக்கிறேன்.

அப்படியும் நீங்க எழுதுறதா இருந்தா மறுமையில அல்லாஹ் நடத்தப்போற விவாதமல்ல விசாரணைல நீங்க எல்லாரோட நேரத்தை வீணாக்குனதுக்காக மாட்டிக்குவீங்கன்னு ஞாபகப்படுத்தி முடிச்சுக்கிறேன்.

உங்கள் மீது ஸலாம் உண்டாகட்டும்.

இப்படிக்கு,

செல்லத்தம்பி

சீனி முஹம்மது

சிக்கல். 623528

இராமனாதபுரம் மாவட்டம்.